يوم بيوم

[BaSHaR]

السلام على أحباء السلام.


موضوع خطر على بالي من فترة واليوم قررت نزله هون.
هو موضوع رح أطلب تثبيته ورح يكون هو المكان يلي منحكي فيه كلشي بيخطر على بالنا كل يوم...
هلأ بتمنى يكون هالحكي اله معنى وما يكون مجرد تخبيصات الا اذا كانت تخبيصات الها معنى :cheesygrin:
يعني هو مجرد موضوع للافكار وللمشاركة بأمور منحس انو لازم نحكيها.....
منكتب فصحة او عامي كله مقبول ولكن أهم شي ما ننسى قوانين المنتدى....

رح بلش أنا اليوم بشوية حكي :
كتير اوقات منقول انو خلص كلشي انتهى بهالحياة...
بتتسكر البواب كلها بوجهنا
منيأس ومنقول خلص ما عاد فينا نكمل شي
منوقف.....
منننعزل عن العالم
ومنطول دقنا (الشباب) ومننكش شعرنا (البنات)
منسكر باب الغرفة وما منشوف غير غرفة الاكل بالمناسبات وكمان منشوف الحمام للضرورة:mrgreen:
و بعدين منصير منشوف الانترنيت اكسبلورير اكتر واكتر
واكتر كمان.
منرجع منسكر الكمبيوتر ومنبطل نشوف شي.
على فجأة منفيق من النوم بشي صبح وبيكون هيك حاسين انو في شي اليوم
منقرر نحلق الدقن (كالعادة للشباب المعذبينPDT_Armataz_01_02 ) أو نمشط الشعر(مافي أسهل منها للبناتPDT_Armataz_01_33)
ومنلبس أواعي العيد (كلمة اواعي العيد تعبير عن الاواعي الجديدة أو النظيفة ومو بالضرورة يكون في عيد)
ومنطلع من الغرفة يلي صار بدها نص لفايات البلد لينظفوهاPDT_Armataz_01_42 PDT_Armataz_01_37 PDT_Armataz_01_41
ومنفتح الموبيل (لأنو كان مغلق او خارج نطاق التغطيةمشان يعني نعمل هيك جو وقت كنا بهديك الحالة) او اذا كنا مزنغلين (الله يبعدنا) منلغي ميزة السوبر كليب (السوبر كوووول:cool1:)
منطلع ومنبلش تلفونات (الفاتورة طبعا بتجي على كيفكم)
ومنعمل كم مشوار ومنشوف الرفقات كلهم ومنصرف كتير ومنعلم كتير امور:cool1:
منهيص وبيمضى كم يوم حلوين....
بعد كم يوم بيرن الموبيل (وصلت مسج)
(((عزيزي المشترك نرجو منك تسديد المبلغ ******* كدفعة مسبقة خلال 24 ساعة وشكرا)))
ولي ولي ولي
بينقطع الخط لانو طبعا ما بكيون زايد ولا نكلة معنا...
منحاول نفتح النيت لنراسل الرفقات عبر ال sms تبع النيت ومنتفاجئ انو النيت مقطوع من اصله
منتصل بالشركة:
***** مرحبا معك تحسين(ة) كيف بقدر ساعدك؟؟
نحنا:مرحبا
هو/هي:اهلا وسهلا استاذ(أنسة) تفضل
نحنا:شو قصة حسابي بالله ما عم يشتغل؟؟
هو/هي:شو اسم المستخدم استاذ؟
نحنا:**********
هو/هي:استاذ حضرتك عندك فاتورة قيمتها*********
نحنا::eek1: ايه ايه اكيد انا رح ادفعها باقرب وقت شكرا كتير الك
هو/هي: اهلا وسهلا فيك وشكرا لاتصالك
منرجع منفوت على الغرفة ومنسكر الباب ومنعيد نفس التمثيلية:(
ومنضل هيك حتى امنا او ابونا يدفعولنا كلشي بعد كم يوم ولكن نحنا منضل محبطين لانو الضمير بيكون لساه شغال وعم يقول:
(لك انت ما كبرت بقى؟؟ موعيب عليك مو قدران تدفع فواتيرك؟؟؟)
بعد فترة منفيق هيك بشي صبح وفي شي عم يقلنا اليوم لازم نلبس اواعي العيد ونطلع.....ومنطلع ....وهكذا
ما بعرف حبيت اكتب هالكلام لأن كتير شباب وصبايا عنا هيك حالتهم ما؟
على كل حال الله يعين الجميع.


والسلام على أحباء السلام.

[BaSHaR]

السلام على أحباء السلام.


ما كان بيكفيني الشب السمين يلي قاعد بجنبي و ما عم ياخد عليه طول الطريق حتى كمان تطلعلي هالشوفة على الطريق......
بلشت القصة بطلعتي من البيت الصبح بكير لروح على شغلي...أخدت الميكرو وركبت قدام للأسف وكان في واحد سمين قاعد :cry1: وانا طبعا يلي رح ينظلم...
وبلش سباق الفورمولا وان تبع الميكرو ويلي انا كمان بقول عنو انو فورمولا وان من ناحية السرعة ورالي من ناحية القيادةPDT_Armataz_01_41
وبينما كان الميكرو عم يحاول يطاحش قاطرة ومقطورة PDT_Armataz_01_42 لفتلي نظري هي القطعة الكوشوك يلي بيحطوها بأخر واسفل القاطرة وبتغطي الدواليب يعني عرفتوها ما؟
طيب لفتتلي نظري بجملة رائعة مكتوبة عليها... يا حزركم شو هي؟؟
لا لا مو تبع لا تشوف النمر عم يتدرج دوبلو وتفرج...غيرها تمام
ولا تبع عشقت السفر من ظلم البشر....غيرها كمان
ولا تبع تترجى فيا...سهرت الليل....
هي المرة كانت جملة بالفعل مميزة وكتير خارقة حارقة
يعني وبلا ما طول الجملة كانت:
خائنات ولو عبدوك
ترا ترا
شو هالمنطق والفلسفة العميقة هي؟؟؟؟
شو هالتطور الفكري والعقلي؟؟؟

صفنت بالجملة خلال الثواني القليلة يلي اتحلي ياها شوفير الميكرو قبل ما يدوبل القاطرة والمقطورة بسرعة مليون وهنن التنين عم يمروا بنفس الوقت على سكة قطار موجودة على الطريقPDT_Armataz_01_41 PDT_Armataz_01_41
ايه نعم ثواني قليلة ....
المهم خلونا شوي نفكر بهالجملة:خائنات ولو عبدوك
هلأ كلمة خائنات بتوحي أنو هالرجال يلي عم يسوق القاطرة والمقطورة بيقصد أكيد النساء كلهم...
أما فعل عبدوك فهالفعل بيدل باللغة الفصحة على جماعة الذكور وليس الإناث....
حلوها اذا بتنحل خائنات ولو عبدوك ولا ولو عبدنك؟؟
ولا ليكون يلي عم تسوق وحدة امراة وبتقصد خائنون ولو عبدوك؟؟
ههه على كل حال انا بس بدي أفهم هالغبي يلي خططله هالجملة على هالكوشوكة الكبيرة مو المفروض أنه مهنته خطاط؟؟؟
وا أسفاء على مهنة التخطيط.....
والأسوأ من هيك هو معنى الجملة ويلي بيطلق تهمة الخيانة على جميع النساء بما في ذلك والدة وأخت وزوجة وبنت السائق والخطاط على حد سواء.
يا ترى لو بيسمع هالكلام هاد شو بيكون ردة فعله؟؟؟
غير أنه رح يموتني ضرب(هو PDT_Armataz_01_35 + أنا = PDT_Armataz_01_05 ) أكيد رح يروح تاني يوم على الخطاط ويطلب منو يغير الجملة ... ويضيف الها (ما عدا حريم العيلة تبعيتي):eek1:
يا جماعة الخير لايمتى بدنا نضل بهالتخلف هاد؟؟
خائنات!! خائنون!!
النسوان مدري شبهم والرجال مدري شبهم وهيك متل المجانين منضل عم نخلق حرب بين جنسين من نوع واحد هو البشر وبالأخير كلنا منعرف أنه هالجنسين بحاجة بعض بقدر ما كل إنسان بحاجة الهواء والماء وما إلى هنالك من حاجات الحياة الأساسية.
الموضوع يطول وأنا بفضل وقف هون لأني بحب ناقش موضوع الرجل والمرأة بغير موضوع ويكون منفصل ويكون بعيد كل البعد عن جملة متل خائنات ولو عبدوك...


ولا سلام على متخلفين هذا الزمان.

[FaRaH M]

مرحبــا....

كم هائل من الايميلات في ساعة واحدة من نفس الموقع لا لشئ فقط لأن الاسم مؤنث والشباب كثيرون !!
استغرب كثيراً من من يجلسون وراء الشاشة والكيبورد فقط لارسال الرسائل للفتيات مرفقين الرسالة بالايميل والعمر والاسم ومكان السكن والصورة أيضاً ..... سيرة ذاتية كاملة ... مع الطلب المؤدب بالاضافة العاجلة وذلك لموضوع ضروري جداً ... والاضضرارية في ذلك هي "الصداقة المزعومة"

السخافة وصلت لدرجة كبيرة جداً فهم لا يعرفون من هذه الفتاة إلا اسمها وهو في الغالب اسم غير حقيقي ولا يعرفون من هي ولا يوجد لديهم دليل فعلي بأنها فتاة بل ربما والنسبة كبيرة في أن تكون شاب وراء هذا الاسم الأنثوي الجميل والصورة الرمزية الجذابة
في النهاية أنا الآن في حالة لا أحسد عليها من الكره والانزعاج من هؤلاء والذين يعتبرون أنفسهم ينشدون الصداقة البريئة !!!

[FaRaH M]

20 ألف ليرة لتلت ولاد وما كفوهم ولسه ازا بدنا نكسي المرّة بدنا قدهم بعشر مرات السوق نار والناس كل يوم عمتطع بزيادة
أيام امي وستي راحوا كانوا يفهموا كلمة شو يعني مافي مصاري مافي عملة اما هلاء اول ما تتجوز البنت بتقلو لجوزا جبلي غسالة اتوماتيك مو ناقص غير يجبلا مين يقيمها من فرشتها وياخدها يغسلا كمان !!!
اديه كانت امي تتعزب بالغسيل على ايدا والطبخ والنفخ وخياطة الأواعي والصوف كلو مشان توفر على ابن عما
اما هلاء ما عاد حدا قدر والبنت والصبي والصبية والشب ما بيقدروا انو هالأب عميموت ليجبلن اللي بدن ياه عمتلطع عيونو وعميتبهدل ويتشرشرح ويتعتر كلو كرمالن
شايفة هدا المحل هدا اكبر نصاب بالبلد بدو ياخد حق كنزة ابني الصغير اللي عمرو خمس اشهر 5 آلاف ليرة لك قلتلو وضجت عليه انا ما بدي اشتري المحل بدي اشتري الكنزة بس ما وافق ينزل ولا قرش لك ازا كنزة هالفصعون ب 5 آلالاف الفستان اللي بدي اشتري للبنت هيكون حقو 15 ألف
لك والله حرام ما حدا عميقدر مو شايفين الناس شلون عمتطلع لقمتا
والديون الله وكيلك لفوق راسي ما بعرف من وين بد لحق للحق وعماشتغل والله ليل نهار مو انو لافف رجل على رجل وآعد.....والله من الصبح الساعة 5 للمسا وانا عللى دوارة وبطلع كل العالم ولا بنقي زبون ولا غيرو مالك عليّ يمين طلعت معي وحدة معها اربع ولاد واعدوا ينطوا ويئمزوا بهالسيارة ويوسخوها وطريقا عالمالكي يعني من هدول "المحشششيين" وبلأخير بتفاصلني على عشر ليرات لك حلفتلا برب الكعبة انو البانزين غلي وكلشي غلي وهي راسا وألف سيف ما بتدفعلي ... لك تضرب هالدنيا وتضرب المصاري .... الناس ما عادت استحت ولا عاد حتى خجل وكلو واحد أنا وبس ولا بفكر بحدا ولا بدو يساعد حدا
"لا تواخزيني وجعتلك راسك بهالمشاكل "

حديث مؤلم من شوفير تكسي !!

[BaSHaR]

السلام على أحباء السلام.


مرضاااااااااااااان
رشح...وسعللة وكلشي
وما عم طيب
أكيد ما جربت زور أي دكتور...
بتعرفوا ليش؟
لأني والحمد لله ما بثق ولا بأي دكتور بهالبلد...(ومشان ما أكذب يعني بثق ولكن بشي واحد أو واحد ونص)
القصة طويلة ومعتة وما رح أحكيها ولكن بس حبيت قول أنه الله يعين العالم.


ولا سلام على أطباء عصر الاوهام.

[FaRaH M]

خمس مراقبين وخمسة "بلوتوث ".... يكفي لعمل ضجة كبيرة في مكتبة تسمى تجاوزاً قاعة امتحانية لا تحوي الكثير من الطلاب الذين ينتظرون الفرصة المناسبة "للطش" ما يمكن "لطشه" من الاجابات صحيحة كانت أم خاطئة... هذا هو الحال في الجامعة الكبيرة ... في حلم الأهل ... في أمنية الشابة والشاب لأثنى عشر عاماً متواصلاً من دراسة ....... هذه نتيجة تعب سنة كاملة وجد واجتهاد في سبيل الدخول الى هذا المكان الذي يخرّج الأجيال ويعدهم ليتحملوا مسؤولية وطن ... يكفينا سخرية من أنفسنا .... بتسمية ذلك المكان بالآداب ....

[BaSHaR]

السلام على أحباء السلام.


أداب....
أنسة فرح فتحتيلي جروحاتي.
خلينا مسمينها أداب لأنه الله وكيلك اذا بدنا نغير ما رح تكوني مسرورة لا أنت ولا كل طالب محترم بهالبلد...لأنه رح يصير اسمها ديسكو أو شي شبيه.

جامعة شو يلي قوانينها بالية وقديمة وغير معروفة لا للطلاب ولا للدكاترة؟؟
ويلي صار التعليم فيها شلف تربح.
وعلى سيرة موضوع التشليف يلي بدأ باقرار نظام الاتمتة للمواد ويلي من فترة عام او اكتر بشوي طلع قرار من رئاسة الجامعة بيتضمن انه ممنوع الرجوع عن القرار القديم القاضي بأتمتة المواد وطبعا الكام منقول عن أحد الدكاترة يلي عم يعاني من هالشي في قس ماللغة الانكليزية.
ولكن وعلى حين غرة بيجي أحد الدكاترة بيجيب اسئلة كتابي لمادة ضمن الدورة التكميلية خلال الصيف الماضي مما سبب مشاتكل لبعض الطلاب وسبب افراح للبعض الاخر.
جامعة شو؟؟
حب ايه اللي انت جاي تقول عليه؟؟
الله يرحمك يا ام كلثوم مع اني ما بحبك ومنضم لمنظمة اللاكلثوميين العرب يلي بتتألف من 3 أعضاء بس انا وملك الغرم ودكتور نور الله يذكرهم بالخير.


والسلام على طلاب أي كلام.

[FaRaH M]

من وين بدو يطلع معنا حكي ازا كل اايامنا حاليا اعدين
عمندرس ندرس ندرس
وبهالبيت لا رحو ولا جية والدنيا برّة بررررررررررد
ومافي غير هالنت تسلاية !!!!!!!!
ايه الله بعين ...
يعني في فحص شهر واسبوع !!! شو هالزوق هاد

[raneem_koub]

صخب الحياة المزعج ... أنين العامة المبهم ... و صرخات نابعة من قلبٍ لم يعرف حزناً قط
لكنه يعيشه الآن بكل ما به من مرارٍ و ألم ...
لماذا لكل شيء جميل في الحياة هناك نهاية ... ألأنها الدنيا ...
ما عُدتي مُطاقة ... يرحلون و يأتون و يذكرون أيامنا معاً ثم يتناسونها و كأن شيئاً لم يكن بيننا
أهم إخوة كما يدعون؟! أم أنك يا زمن تُنسي الإنسان ما قال؟

لكنها تبقى حياة تسير ضمن منطق محتوم ...
و يبقى غداً يومٌ جديد و لتشرق شمسك يا حياتي من جديد ...

[FaRaH M]

قربوا وجربوا عندكن موهبة مكبوتة مكتشفينها على صغر لازمكن مين ينميلكن ياها ... بس تعالوا لعنا بشكل حلو ونحنا منعرضكن عالتلفزيون مشانكن مو مشانا مو مشان حدا !!!!!!!!!!!!!!!!!!!